აჭარის ტვ-ის ჟურნალისტების მხარდასაჭერად მაუწყებელთა ნაწილი 1 წუთით ეთერს გათიშავს
დღეს, 3 მაისს, 19:00 საათზე რეგიონული და ეროვნული მაწყებლები აჭარის ტელევიზიის ჟურნალისტების მხარდასაჭერად ეთერს ერთი წუთით გათიშავენ.
როგორც ნეტგაზეთს კოალიცია “მედიის ადვოკატირებისთვის” წევრმა ნათია კუპრაშვილმა უთხრა, რომელიც ასევე რეგიონულ მაუწყებელთა ალიანსსაც წარმოადგენს, აქციაში 15 რეგიონული მაუწყებელი მიიღებს მონაწილებას. მისივე თქმით, აჭარის ჟურნალისტების მხარდამჭერ აქციას მისი ინფორმაციით ეროვნულ მაუწყებელთა ნაწილიც შეუერთდება. სოლიდარობის ნიშნად გათიშულ ეკრანზე იქნება წარწერა “სოლიდარობა აჭარის საზოგადოებრივი მაუწყებლის ჟურნალისტებს”. აქციის ორგანიზატორი “კოალიცია მედიის ადვოკატირებისთვისაა”. ამ აქციის შესახებ ინფორმაცია თავდაპირველად “მედიაჩექერმა” გაავრცელა.
- აჭარის ტელევიზიის დირექტორმა გიორგი კოხრეიძემ საინფორმაციო სამსახურის ჟურნალისტი თეონა ხარაბაძე ქუთაისის არარსებულ ბიუროში გაამწესა. მას უთხრეს, რომ მხოლოდ ფეისბუქლაივები შეუძლია აკეთოს ვებგვერდისთვის ქუთაისიდან
- რედაქტორს – მაია მერკვილაძეს, რომელსაც გიორგი კოხრეიძე საჯაროდ საუკეთესოდ მიიჩნევდა, არარსებული გადაცემა ჩააბარე.
- დირექტორმა სამეურვეო საბჭოს უმრავლესობის მხარდაჭერით საინფორმაციო სამსახურს ჩამოაშორა თეონა ბაკურიძეც, რომელსაც მთავარი საინფორმაციო გამოშვება მიჰყავდა, მის ნაცვლად კი დანიშნეს აჭარის გზების დეპარტამენტის საზოგადოებასთან ურთიერთობის სამსახურის თანამშრომელი. მოგვიანებით მთავარი საინფორმაციო გამოშვების წამყვანი ისევ გიორგი აბაზაძე გახდა, რომელიც ამ მაუწყებლის ჟურნალისტებისთვის კრიტიკულ სიტუაციაში მენეჯმენტს გვერდით დაუდგა და საინფორმაციო სამსახურის უფროსის მოვალეობის შემსრულებელი გახდა.
- საინფორმაციოს ჩამოაშორეს ამ სამსახურის უფროსი – შორენა ღლონტი.
- ნათია ზოიძე, რომელიც დირექტორის მოადგილე იყო და დირექტორმა მხოლოდ ანგარიშების წერის ფუნქცია დაუტოვა.
- ასევე ხელშეკრულების ვადის ამოწურვის მოტივით უმუშევრად დარჩა რედაქტორი ნათია შავაძე.
- პანდემიის მიზეზით გააჩერეს გადაცემა „ჰეშთეგი“.