საქართველოს პრემიერ-მინისტრმა და პრეზიდენტმა, გიორგი გახარიამ და სალომე ზურაბიშილმა გაერთიანებული სამეფოს პრემიერ-მინისტრ ბორის ჯონსონს სწრაფად გამოჯანმრთელება უსურვეს.
ბორის ჯონსონი, რომელსაც 27 მარტს კორონავირუსი დაუდასტურდა, 6 აპრილს საავადმყოფოში გადაიყვანეს დამატებითი კვლევებისთვის. დაუნინგ სტრიტის ცნობით, ჯონსონს კვლავაც აწუხებს ვირუსის სიმპტომები, მათ შორის- მაღალი ტემპერატურა.
„საქართველოს მთავრობისა და ჩემი სახელით, სწრაფ გამოჯანმრთელებას ვუსურვებ ბორის ჯონსონს. დარწმუნებულები ვართ, რომ ბრიტანელი ხალხი და მთავრობა გაუმკლავდება Covid-19-ს და დაამარცხებს ამ გამოწვევას, როგორც ყოველთვის ისტორიის განმავლობაში“, – დაწერა ტვიტერზე საქართველოს პრემიერ-მინისტრმა გიორგი გახარიამ.
On behalf of @GovernmentGeo & myself wishing @BorisJohnson a swift recovery. We are confident that British people & government will endure COVID-19 & overcome this challenge as they have always done throughout the history. #StopCoV
— Giorgi Gakharia (@GakhariaGiorgi) April 6, 2020
„საქართველო თქვენთან ერთად დგას თქვენს პერსონალურ ბრძოლაში ვირუსის წინააღმდეგ და გისურვებთ მხნეობას და სწრაფ გამოჯანმრთლებას“, – დაწერა სალომე ზურაბიშვილმა.
While it’s a rough time, I join this #ThankYou to everyone who stays home to fight #COVID19. @BorisJohnson, Georgia is with you in your personal fight against the virus and I wish you strength and a quick recovery. Stay strong! https://t.co/HjVxGhMAcW
— Salome Zourabichvili (@Zourabichvili_S) April 6, 2020
პრემიერ-მინისტრი ბორის ჯონსონი 55 წლისაა. კლინიკაში გადაყვანამდე ის თვითიზოლაციაში იყო.