ამერიკის შეერთებული შტატები საქართველოს ჯანდაცვის სფეროს დასახმარებლად $1.1 მილიონ დოლარს გადასცემს.
ინფორმაციას ამის შესახებ საქართველოში აშშ-ის საელჩო ავრცელებს. შეერთებული შტატების მიერ გამოყოფილი თანხით დაფინანსდება ლაბორატორიული სისტემების მომზადება, ეპიდემიოლოგიური გამოკვლევები და მეთვალყურეობა, ტექნიკურ ექსპერტთა დახმარება და მომზადება, ინფორმაციის გაცვლა და სხვა.