ნეტგაზეთი | კობახიძის თქმით, თამლიანის გათავისუფლება დამოკიდებულია დანაშაულის აღიარებაზე კობახიძის თქმით, თამლიანის გათავისუფლება დამოკიდებულია დანაშაულის აღიარებაზე – Netgazeti

კობახიძის თქმით, თამლიანის გათავისუფლება დამოკიდებულია დანაშაულის აღიარებაზე

საპარლამენტო უმრავლესობის წევრი ირაკლი კობახიძე აცხადებს, რომ კონკრეტულ საქმეებთან დაკავშირებით სამართალდამცველი სტრუქტურებისთვის მითითების მიცემა ეწინააღმდეგება ხელისუფლებასა და ოპოზიციას მიერ მიღებულ ერთობლივ განცხადებას მართლმსაჯულების სისტემაში უმაღლესი სტანდარტების დაცვის მნიშნელობაზე.

“თითოეული საკითხი გადაწყდება ინდივიდუალურად, როგორც ეს ხდება სამართლებრივ სახელმწიფოში. უგულავას საკითხი დაკავშირებულია მხოლოდ და მხოლოდ შეწყალებასთან. ერთადერთი ინსტანცია, ვისაც შეუძლია აქ რამე გადაწყვეტილების მიღება, ეს არის საქართველოს პრეზიდენტი. თამლიანის შემთხვევაში თვითონ მის ხელშია გათავისუფლება.

პროკურატურა ითხოვს აღიარებას და თუ იქნება აღიარება, ამ შემთხვევაში არანაირი დაბრკოლება არ იქნება გათავისუფლების თვალსაზრისით. ინდივიდუალურად უნდა გავყვეთ თითოეულ შემთხვევას და თითოეულ ინდივიდუალურ შემთხვევაში სამართლებრივი საფუძვლის პრინციპის  შესაბამასიდან უნდა იქნას გადაწყევტილება მიღებული”, – განაცხადა კობახიძემ.

სამართალდამცველებმა ბესიკ თამლიანი 20-21 ივნისის საქმეზე დააკავა. მას პოლიციელებზე თავდასხმა ედება ბრალად. ბესიკ თამლიანი ბრალს არ აღიარებს.

ოპოზიციის მტკიცებით, შეთანხმება კონკრეტულ პატიმრების გათავისუფლებაზე შედგა

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.