აშშ-ის მიერ გენერალ ყასემ სოლეიმანის მოკვლის გამო ირანი განიხილავს ცამეტ „შურისძიების სცენარს“, განაცხადა ირანის უზენაესი ეროვნული უსაფრთხოების საბჭოს მდივანმა. ინფორმაციას ამის შესახებ „Reuters“ ირანულ „Fars“-ზე დაყრდნობით ავრცელებს.
„ამერიკელებმა უნდა იცოდნენ, რომ საბჭოში ამჟამად შურისძიების 13 სცენარი განვიხილეთ და კონსენსუსი მათგან ყველაზე სუსტზე რომც შედგეს, ეს ამერიკელებისთვის ყველაზე საშინელი კოშმარი იქნება“, – აცხადებს ალი შამჰანი.
აშშ-სა და ირანს შორის ურთიერთობები კიდევ უფრო დაიძაბა, როცა აშშ-ის ავიაიერიშის შედეგად მოკლული იქნა ირანელი გენერალი ყასემ სოლეიმანი. ირანი აშშ-ს „შურისძიებით“ დაემუქრა, ხოლო დონალდ ტრამპმა განაცხადა, რომ ირანის შეტევის შემთხვევაში, „საპასუხო იერიში იქნება სწრაფი და ძლიერი“.
შეგიძლიათ გაეცნოთ „ნეტგაზეთის“ სტატიას:
ირანელი გენერალი, რომელიც სამხედრო ოპერაციისას მოკლეს – რა უნდა ვიცოდეთ [მოკლედ]
გარეკანის ფოტო: EPA