რუსი ოპოზიციონერის, ალექსეი ნავალნის მიერ დაარსებულ “კორუფციასთან ბრძოლის ფონდში“ ძალოვნები შევიდნენ. ოფისში შესასვლელად ძალოვნებმა კარი გახერხეს.
როგორც ნავალნის პრეს-სპიკერი კირა იარმიში წერს, ნავალნი დაკავებულია: „ალექსეი [ნავალნი] ძალის გამოყენებით დააკავეს და წაიყვანეს. მას წინააღმდეგობა არ გაუწევია. დანარჩენები ახლახან გამოუშვეს. კორუფციასთან ბრძოლის ფონდში იურისტები დარჩნენ, იქ ახლა ჩხრეკა მიმდინარეობს“.
Новогодний фейерверк! В ФБК pic.twitter.com/2DKAsCfekI
— Николай Ляскин (@nlyaskin) December 26, 2019
„РБК“ წერს, რომ ძალოვანი უწყებები ჯერჯერობით კომენტარს არ აკეთებენ მიმდინარე მოვლენებზე.
აქამდე, 2019 წლის აგვისტოში, საგამოძიებო კომიტეტმა ფონდის წინააღმდეგ საქმე აღძრა ფულის გათეთრების ბრალდებით, ხოლო იუსტიციის სამინისტრომ ნავალნის ფონდი უცხოელი აგენტების სიაში შეიტანა.