“არა ვადაგასულ კლანს” – პარლამენტის წინ არასამთავრობოები აქციას მართავენ

პარლამენტის წინ არასამთავრობო ორგანიზაციები და აქტივისტები აქციას მართავენ, სახელად – “არა ვადაგასულ კლანს”.

არასამთავრობოები ამ აქციით პარლამენტში უვადო მოსამართლეობის კანდიდატთა სიის კენჭისყრას აპროტესტებენ. ისინი ამბობენ, რომ აღნიშნული სიის მხარდაჭერით, სასამართლო კვლავ ერთი ადამიანის – ბიძინა ივანიშვილის ხელში აღმოჩნდება.

იურიდიულ საკითხთა კომიტეტმა უზენაესის მოსამართლეობის კანდიდატების სიიდან დადებითი რეკომენდაცია 14 ადამიანს გაუწია.

ესენი არიან:

• მერაბ გაბინაშვილი,
• მირანდა ერემაძე,
• მამუკა ვასაძე,
• მაია ვაჩაძე,
• თამარ ზამბახიძე,
• შალვა თადუმაძე,
• ვლადიმერ კაკაბაძე,
• ლევან მიქაბერიძე,
• გიორგი მიქაუტაძე,
• ნუგზარ სხირტლაძე,
• ლალი ფაფიაშვილი,
• ნინო ქადაგიძე,
• ქეთევენ ცინცაძე,
• ალექსანდრე წულაძე.

საბოლოო გადაწყვეტილება პარლამენტის პლენარულ სხდომაზე მიიღება.