პარლამენტის თავმდჯომარე არჩილ თალაკვაძემ პლენარულ სესიაზე ტექნიკური შესვენება გამოაცხადა მას შემდეგ, რაც ირაკლი კობახიძემ თქვა, რომ ოპოზიციის ორი დეპუტატი სხდომათა დარბაზში შევიდა და გაურკვეველი ნივთიერება დაღვარა.
„ნეტგაზეთი“ ცდილობს დეტალების გარკვევას და ინფორმაციის გადამოწმებას.
როგორც უმრავლესობის წევრმა გიორგი ვოლსკიმ თქვა, სხდომათა დარბაზში არასასიამოვნო სუნი დგას.
უმრავლესობის კიდევ ერთი წევრი, ენძელა მაჭავარიანი ამბობს, რომ შეუძლოდ გახდა ამ სუნის გამო.
სხდომის მიმდინარეობისას, 13:12 საათზე კობახიძემ თქვა: „ორი დეპუტატი შემოვიდა სხდომათა დარბაზში, ოპოზიციის წარმომადგენელი, და გარკვეული ნივთიერება შემოიტანა, დაასხა აქ. ვხვდებით, მიზანი რა არის. აქედან შეგვიძლია დავპირდეთ, რომ ამას მოჰყვება უმკაცრესი რეაგირება“.