თამარ ალანიას კანდიდატურას იურიდიულმა კომიტეტმა მხარი არ დაუჭირა
უზენაესი სასამართლოს მოსამართლეობის კანდიდატ თამარ ალანიას კანდიდატურას იურიდიულმა კომიტეტმა მხარი არ დაუჭირა.
ალანიას უზენაეს სასამართლოს მოსამართლედ დანიშვნას კომიტეტის სხდომაზე მხარი ერთმა დეპუტამა დაუჭირა, ერთი [ეკა ბესელია] წინააღმდეგი იყო, დანარჩენებს კენჭისყრაში მონაწილეობა ვარ მიუღიათ. შესაბამისად, კომიტეტმა მის კანდიდატურას რეკომენდაცია არ გაუწია.
ალანია სააპელაციო სასამართლოს უვადო მოსამართლეა.
მოკლედ კანდიდატზე:
[checklist]
1999-2000 წლებში მუშაობდა საქართველოს გენერალურ პროკურატურაში კადრების განყოფილების სტაჟიორად.
2000-2001 წლებში მუშაობდა საქართველოს გენერალურ პროკურატურაში სახელმწიფო ბრალდების მხარდამჭერი განყოფილების სტაჟიორად.
2001-2003 წლებში მუშაობდა საქართველოს გენერალური პროკურატურის სახელმწიფო ბრალდების სამმართველოს ანალიტიკური განყოფილების სტაჟიორის, ხოლო შემდეგ პროკურორის თანამდებობაზე.
2003-2006 წლებში მუშაობდა საქართველოს გენერალურ პროკურატურაში უკანონო შემოსავლის ლეგალიზაციაზე სისხლისსამართლებრივი დევნის სპეციალური სამსახურის პროკურორის თანამდებობაზე.
2006 წლიდან არის თბილისის სააპელაციო სასამართლოს მოსამართლე. 2017 წლიდან აღნიშნულ თანამდებობაზე განწესებულია უვადოდ, კანონით დადგენილი ასაკის მიღწევამდე.
2013-2017 წლებში იყო საქართველოს იუსტიციის უმაღლესი საბჭოს წევრი.