“ხადა არ იყიდება!” – ხადას ხეობაში ადგილობრივებმა აქცია გამართეს

ადგილობრივებმა დღეს ხადას ხეობაში მაგისტრალის მშენებლობის წინააღმდეგ საპროტესტო აქცია გამართეს. ისინი ამბობენ, რომ უპირისპირდებიან არა უშუალოდ მაგისტრალის მშენებლობას, არამედ იმას, თუ როგორ აკეთებს ამას სახელმწიფო.

ადგილობრივების თქმით, შესაძლებელია ალტერნატიული მარშრუტის განხორციელება, რომელიც ყველაზე ნაკლებად დააზიანებს როგორც ადგილობრივების კერძო საკუთრებას, ისე კულტურულ მემკვიდრეობასა და გარემოს.

რუსეთისკენ მიმავალი ჩრილოეთ-სამხრეთის მაგისტრალის ერთ-ერთი მონაკვეთის, კობი-ქვეშეთის გზის დაგეგმილი მშენებლობა, რასაც ეს აქცია უპირისპირდება, დიდ თავისტკივილს უჩენს ადგილობრივებს, გარემოდამცველებსა და კულტურული მემკვიდრეობის მცველებს.

• სახელმწიფოს მიერ შეთავაზებული მხოლოდ 5.6 ლარი ერთ კვადრატულ მეტრ მიწაში; მიწაში, რომელსაც, როგორც ზოგიერთი ადგილობრივი ამბობს, საერთოდ არ უპირებენ გაყიდვას;
• მაგისტრალის ამ პროექტისთვის საჭირო, რამდენიმე შემთხვევაში „სახელმწიფოს მიერ მიტაცებული მიწა“, როგორც ამას ტრადიციული მესაკუთრეები უწოდებენ;
• უნიკალური კულტურული მემკვიდრეობა — IX-XI საუკუნეების დროინდელი ძეგლები: ძველი ქვა-ჯვრები, ეკლესიები, სალოცავები, შესაძლოა, ჯერაც აღმოუჩენელი არტეფაქტები და სხვადასხვა დროის საფლავები — რასაც სამშენებლო სამუშაოები საფრთხეს შეიძლება უქმნიდეს;
• გზა-ხიდ-გვირაბების მშენებელი კომპანიია, რომელსაც მსოფლიო ბანკისაგან სანქციები აქვს დაწესებული;
• აუთვისებელი ეკოტურისტული პოტენციალი, რომელიც შეიძლება გაქრეს;

ეს არის არასრული ჩამონათვალი იმ საკითხებისა, რის გამოც ქვეშეთი-კობის გზის მოწინააღმდეგეები მთავრობას ამ მონაკვეთის ალტერნატივის მოფიქრებისკენ მოუწოდებენ, ზოგიერთი მათგანი კი ამ ალტერნატივას თავად სახავს. რით პასუხობს ამ მოთხოვნას სახელმწიფო, რომელიც მრავალწლიანი სესხით აშენებს მაგისტრალს?

წაიკითხეთ „ნეტგაზეთის“ რეპორტაჟი ხადის ხეობიდან:

გაეცანით ასევე გიორგი როსტიაშვილის ისტორიას: