ეკონომიკურ საკითხებში პრემიერ-მინისტრ გიორგი გახარიას მრჩევლად ბექა ლილუაშვილი დაინიშნა. პრემიერის პრესსამსახურის ცნობით, ლილუაშვილი საქმიანობას უკვე შეუდგა.
პროფესიით ეკონომისტი ბექა ლილუაშვილი სხვადასხვა დროს მუშაობდა როგორც კერძო ბიზნესში, ისე – სახელმწიფო უწყებებში.
ლილუაშვილს ბოლო თვეებში შსს-ში ეკავა საინფორმაციო-ანალიტიკური დეპარტამენტის დირექტორის მოადგილის თანამდებობა, ასევე იყო ამავე სამინისტროს ანალიზისა და რეფორმების სამმართველოს უფროსი.