აფხაზეთში 9 წლის გოგონას მკვლელობაში ბრალდებულს, შესაძლოა, სიკვდილით დასჯა მიუსაჯონ

გოგონას გაუპატიურებასა და მკვლელობაში ბრალი სოხუმში მცხოვრებ მამაკაცს ედება. ყელგამოჭრილი გოგონა სოხუმში, ერთ-ერთ მიტოვებულ სახლში მამამ იპოვა.

 

ოფიციალური ინფორმაციით, სამართალდამცავებმა მკვლელობაში ბრალდებული 2014 წლის 5 მარტს იპოვეს. პროკურატურის ცნობით, ის წარსულში ოთხჯერ ნასამართლევია. 

 

გამოძიება აფხაზეთის სისხლის სამართლის კოდექსის ოთხი მუხლით მიმდინარეობს: “თოთხმეტ წელს მიუღწეველი პირის გაუპატიურება”, “სექსუალური ხასიათის ძალმომრეობითი ქმედება თოთხმეტ წელს მიუღწეველი პირის მიმართ”, “თავდასხმა” და “მკვლელობა”.

პროკურატურის ინფორმაციით, ბრალდებულს ან სიკვდილით დასჯას, ან სამუდამო პატიმრობას მიუსჯიან. 

	მასალა მომზადებულია პროექტ “სამხრეთ კავკასიის ამბების” ფარგლებში ჰაინრიჰ ბიოლის ფონდის მხარდაჭერით. პროექტის ფარგლებში მომზადებული ტექსტები შეიცავს იმ ტერმინოლოგიას, რომელიც აფხაზეთის, სამხრეთ ოსეთის და მთიანი ყარაბაღის თვითაღიარებულ რესპუბლიკებში გამოიყენება. მასალებში გამოთქმული მოსაზრებები შესაძლოა არ ემთხვეოდეს ჰაინრიჰ ბიოლის ფონდის და ნეტგაზეთის პოზიციას.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.