“სადილი რობიკოსთვის“. პერფორმანსი რუსთაველის თეატრთან. ფოტო: ნინო ბიძინაშვილი/ნეტგაზეთი
“სადილი რობიკოსთვის” – ასე ჰქვია საპროტესტო პერფორმანსს, რომელიც დღეს აქტივისტებმა რუსთაველის თეატრის წინ დადგეს. პერფორმანსის მონაწილეებმა რობერტ სტურუას ბორშჩი გაუკეთეს, რითაც მათი თქმით, მისი ანტისახელმწიფოებრივი განცხადებები გააპროტესტეს.
რობერტ სტურუამ 22 ივნისს ფეიბუკ გვერდზე გამოაქვეყნა პოსტი, სადაც დაწერა: “ბოროტმა სულმა იმარჯვა… ნაცისტები ზეიმობენ:
ს ა ქ ა რ თ ვ ე ლ ო აღარ არის!“. სწორედ ამ დღეს საქართველოს პარლამენტთან მოქალაქეები რუსეთის ოკუპაციასა და ხელოსუფლების მიერ დემონსტრანტების ძალადობრივ დარბევას აპროტესტებდნენ.
“სადილი რობიკოსთვის“. პერფორმანსი რუსთაველის თეატრთან. ფოტო: ნინო ბიძინაშვილი/ნეტგაზეთი
აქტივისტები ამბობენ, რომ პერფორმანსის დადგმის გადაწყვეტილება, ნაწილობრივ სტურუას 22 ივნისის განცხადების გამო მიიღეს. ამასთანავე ისინი აცხადებენ, რომ დღეს საქართველოში კულტურული სფერო ჭაობშია, რისი მაგალითსაც, რუსთაველის თეატრი წარმოადგენს.
რაც შეეხება თავად ბორშჩს, პერფორმანსის ავტორების თქმით, მათ ამ ნაბიჯით სტურუას “კულტურული დიეტის“ დაცვისკენ უბიძგეს. აქტივისტები ამბობენ, რომ სჯობია “ადამიანმა ჯანსაღად იკვებოს, ვიდრე ამგვარი ანტისახელმწიფოებრივი განცხადებები აკეთოს“.
“სადილი რობიკოსთვის“. პერფორმანსი რუსთაველის თეატრთან. ფოტო: ნინო ბიძინაშვილი/ნეტგაზეთი
