“მიუხედავად იმისა, რომ იანვრიდან სომხეთი გახდება ევრაზიული კავშირის წევრი, ხოლო ჩვენ ხელი მოვაწერეთ ასოცირების ხელშეკრულებას, ჩვენს ურთიერთობებს ეს არ შეეხება. პირიქით, ჩვენ ამას გამოვიყენებთ ჩვენი ქვეყნებისთვის, ჩვენი ინტერესებისთვის. განსაკუთრებულ მნიშვნელობას ვანიჭებთ სავაჭრო ურთიერთობების შენარჩუნებასა და ეკონომიკური ურთიერთობების შემდგომ გაღრმავებას”, – განაცხადა ღარიბაშვილმა.
საქართველოს პრემიერ-მინისტრმა განაცხადა, რომ საქართველოს და სომხეთის საზღვარზე, სადახლოს გამშვებ პუნქტთან უნდა აშენდეს მეგობრობის ხიდი. სომხეთის პრემიერ-მინისტრი საქართველოში სტუმრად დღეს ჩამოვიდა.
