ქალაქის განვითარების გრძელვადიანი ხედვის შემუშავება, ფეხით მოსიარულეებისთვის გადაადგილების გამარტივება და ავტობუსების ქსელის ოპტიმიზაცია, „ქალაქის ბრენდის“ შემუშავება, ძველი თბილისის გარდა, დედაქალაქის სხვა ნაწილების ათვისება, — ეს ნაწილია რეკომენდაციებისა, რასაც თბილისის მერიას ურჩევს ახალი ანგარიში.
ანგარიში, სათაურად „თბილისის ინვესტირების პოტენციალის სექტორული კვლევა“, რომელიც კომპანია „დელოიტმა“ ჩაატარა, თბილისის მერიამ 11 ივნისს გამოაქვეყნა.
ანგარიშის მიზნად განსაზღვრულია, რომ ავტორებმა მერიას მიაწოდონ „მაღალი დონის ინფორმაცია, რათა დაეხმაროს თბილისის ეკონომიკის წინასწარ განსაზღვრული სექტორების განვითარების პერსპექტივის შეფასებაში“. დასაწყისშივე აღნიშნულია, რომ კვლევა იმისთვის არ ტარდება, რომ მასზე დაყრდნობით ვინმემ ქალაქში ინვესტიცია განახორციელოს;
ავტორების თანახმადვე, ანგარიშის მიგნებები ემყარება საჯაროდ ხელმისაწვდომ, ასევე, იმ ინფორმაციას, რაც დამკვეთმა, ანუ მერიამ, მიაწოდა მათ. „დელოიტი“ ასევე აღნიშნავს, რომ ანგარიში ისეთ გარემოშია მომზადებული, რომელიც შეიძლება, სწრაფად შეიცვალოს.
შესასწავლი სექტორების სიაც თბილისის მერიამ მიაწოდა „დელოიტს“. ეს სექტორებია:
ზოგადი მიმოხილვის შემდეგ, სადაც აღწერილია, რომ თბილისი „ქვეყნის კულტურული და ეკონომიკური ცენტრი“ და „ძირითადი ბიზნეს-ჰაბია“ ქვეყნის მშპ-ში 42%-იანი წილითა და ქვეყნის მოსახლეობის 31%-ით, ავტორები წერენ, რომ არსებობს მრავალი ასპექტი, რაც კრიტიკულად მნიშვნელოვანია ჩამოთვლილი სექტორების გასავითარებლად. მაგალითად:
ასე შეიძლება შევაჯამოთ რეკომენდაცია, რომელსაც კვლევა სტუმარ-მასპინძლობის სექტორზე აძლევს მერიას: ანგარიშის ავტორები ამ სექტორს უწოდებენ „მოწიფულ“ სექტორს და წერენ, რომ ეს სფერო ქალაქის ისტორიულ ნაწილში უკვე „გადამეტებულადაა წარმოდგენილი“. ამიტომაც, ანგარიშის თანახმად, აუცილებელია, ისეთი ნაბიჯები გადაიდგას, რომ ტურისტები ქალაქის სხვა ნაწილებშიც მიიზიდონ;
კიდევ ერთი რეკომენდაციით, საჭიროა ფოკუსირება არა ვიზიტორების რაოდენობის გაზრდაზე, არამედ ტურისტების მიერ დახარჯული თანხის გაზრდაზე;
ანგარიშის თანახმად, ჩართულობის გაზრდა ტურიზმის დემოგრაფიაზე დაკვირვებითაც შეიძლება — ვინ, რა ასაკის, ეკონომიკური შესაძლებლობების და ა.შ. ადამიანები არიან ჩამომსვლელები; კიდევ უფრო გაზრდა კი შეიძლება ისეთი ნიშური სფეროების დივერსიფიკაციით, როგორიცაა „სპა და ველნესი“, სამედიცინო სფერო, MICE ტურიზმი (ანუ შეხვედრები, კონფერენციები და გამოფენები) და გასტრონომიული ტურიზმი.
კვლევაში წერია, რომ თბილისში არსებობს ე.წ სამედიცინო ტურიზმის განვითარების პერსპექტივაც. მის გასავითარებლად კი, ავტორების თანახმად, საჭიროა, მერიამ ხელი შეუწყოს ინკლუზიური პაკეტების შემოღებას. მათ თანახმად, ასე შეიძლება სამედიცინო ტურიზმის სფეროში მეტი ადამიანის მოზიდვა;
არის შემდეგი რეკომენდაციებიც:
ინფრასტრუქტურის სფეროს განვითარების ხელშეწყობის მიზნით კვლევის ავტორები შემდეგ რეკომენდაციებს გასცემენ:
საჭიროა:
ანგარიშის რეკომენდაციით, საჭიროა: