მესტიის რაიონში, სოფელ ბეჩოში, ავტოსაგზაო შემთხვევის შედეგად ავტომობილი ხიდიდან მდინარეში გადავარდა. შემთხვევა დღეს, 8 ივნისს მოხდა.
როგორც “ნეტგაზეთს” საგანგებო სიტუაციათა მართვის სამსახურში განუცხადეს, ავტომანქანაში, სავარაუდოდ, ორი ახალგაზრდა კაცი იმყოფებოდა, რომელთაც ამ წუთებში სამაშველო ჯგუფის წარმომადგენლები ეძებენ. მათ დასახმარებლად ბეჩოსკენ დამატებითი ჯგუფებიც მიემართებიან.