სახელმწიფო უსაფრთხოების სამსახურის უფროსი ვახტანგ გომელაური პანკისის ხეობაში მოსახლეობასა და პოლიციას შორის მომხდარ დაპირისპირებაზე აცხადებს, რომ ეს წინასწარ დაგეგმილი სპეცოპერაცია არ ყოფილა და რა მოხდებოდა, ამას ვერ გათვლიდნენ.
სუს-ის უფროსის თქმით, რომელიც დღეს პარლამენტში დახურულ სხდომაზე დეპუტატების კითხვებს პასუხობდა, საუბრის დიდი ნაწილი სწორედ პანკისის ხეობას შეეხო:
“ეს არ იყო დაგეგმილი სპეცოპერაცია, რომ გათვლლი ყოფილიყო, რა მოხდებოდა. თემა იყო, რომ სამშენებლო კომპანიას შეჰყვა 30-35 პოლიციელი და მას შემდეგ, რაც მოხდა დაძაბვა, მოხდა შეყვანა განსაკუთრებულ დავალებათა დეპარტამენტის. იქ შემდეგ როგორ განვითარდა თემა, ამას ანალიზი უნდა გაუკეთდეს. ან უფრო მეტი უნდა შეგვეყვანა განსაკთრებულ დავალებათა დეპარტამენტი, პირობითად, ეს სხვა თემაა, ანალიზია გასაკეთებელი. რა თქმა უნდა, ცუდი ფაქტი მოხდა” ,- თქვა გომელაურმა პარლამენტში მოსმენის დასრულების შემდეგ ჟურნალისტებთან.