საქართველოს პრემიერ-მინისტრი მამუკა ბახტაძე იაპონელ ხალხს ულოცავს ახალი იმპერატორის, ნარუჰიტოს, საიმპერატორო ტახტზე ასვლას.
„საქართველოსა და იაპონიას ძლიერი ორმხრივი მეგობრობა აკავშირებთ. მზად ვართ, ერთად ვიმუშაოთ, რათა კიდევ უფრო გავაძლიეროთ ეს კავშირები“, — დაწერა ბახტაძემ პირველ მაისს ტვიტერზე.
My sincere congratulations to the people of #Japan on H.I.H Emperor #Naruhito’s ascension to the Chrysanthemum Throne. #Georgia and #Japan have long enjoyed strong bilateral bonds and friendship, and we are ready to work closely together to strengthen those ties even further.
— Mamuka Bakhtadze (@BakhtadzeMamuka) May 1, 2019
30 აპრილს იაპონიის ახალი იმპერატორი ნარუჰიტო ავიდა საიმპერატორო ტახტზე. ეს მას შემდეგ მოხდა, რაც მამამისი, 85 წლის იმპერატორი აკიჰიტო ტახტიდან გადადგა და შვილს, პრინც ნარუჰიტოს ადგილი დაუთმო. ყოფილმა იმპერატორმა მიზეზად ასაკი და ჯანმრთელობის მდგომარეობა დაასახელა.
როგორც ბიბისი იუწყება, ახალ საიმპერატორო ეპოქას რეივა [ეივა] ეწოდება, რაც წესრიგს და ჰარმონიას ნიშნავს.
იაპონიაში იმპერატორს პოლიტიკური ძალაუფლება არა აქვს, თუმცა ნაციონალური სიმბოლოა.