“პარიზის ღვთისმშობლის ტაძარი ალშია გახვეული. ეს მთელი ქვეყნისთვის ძალიან მძიმეა,” – ასე გამოეხმაურა საფრანგეთის პრეზიდენტი ემანუელ მაკრონი ტაძარში გაჩენილ ხანძარს.
“ვფიქრობ ყველა კათოლიკესა და ყველა ფრანგზე. ჩემი თანამემამულეების მსგავსად, დამწუხრებული ვარ, როცა ვხედავ, ჩვენი ნაწილი როგორც იწვის,”-წერს მაკრონი ტვიტერზე.
Notre-Dame de Paris en proie aux flammes. Émotion de toute une nation. Pensée pour tous les catholiques et pour tous les Français. Comme tous nos compatriotes, je suis triste ce soir de voir brûler cette part de nous.
— Emmanuel Macron (@EmmanuelMacron) April 15, 2019
პარიზის ღვითისმშობლის ტაძარში გაჩენილ ხანძარს მსოფლიო ლიდერები ეხმაურებიან.
აშშ-ის პრეზიდენტის დონალდ ტრამპი ტვიტერზე წერს, რომ საშინელებაა ტაძარში გაჩენილი ხანძრის ყურება. ამასთან, პრეზიდენტმა იმედი გამოთქვა, რომ პროცესში საჰაერო ტანკერები ჩაერთვებიან. “სწრაფად მოქმედების დროა!-წერს ტრამპი.
So horrible to watch the massive fire at Notre Dame Cathedral in Paris. Perhaps flying water tankers could be used to put it out. Must act quickly!
— Donald J. Trump (@realDonaldTrump) April 15, 2019
ტაძარში გაჩენილ ხანძარზე მელანია ტრამპიც წერს.
“გული ძალიან მტკივა ფრანგ ხალხზე მას შემდეგ, რაც ვნახე, ღვითისმშობლის ტაძარი როგორ იწვოდა. ვლოცულობთ თითოეული ადამიანის უსაფრთხოებისთვის”.
My heart breaks for the people of Paris after seeing the fire at Notre Dame Cathedral. Praying for everyone’s safety.
— Melania Trump (@FLOTUS) April 15, 2019
ევროპული საბჭოს პრეზიდენტის, დონალდ ტუსკის თქმით, პარიზის ღვითსმშობლის ტაძარი მთელი ევროპის საკუთრებაა. “დღეს ყველა პარიზის გვერდით ვდგავართ,”- ამბობს ტუსკი.
Notre-Dame de Paris est Notre-Dame de toute l’Europe. We are all with Paris today.
— Donald Tusk (@eucopresident) April 15, 2019
“ფიქრებით ახლა ფრანგ ხალხთან და სამაშველო სამსახურის თანამშრომლებთან ვარ, რომლებიც ალში გახვეული ტაძრის გამო იბრძვიან”, – ასე ეხმაურება მომხდარს გაერთიანებული სამეფოს პრემიერ-მინისტრი ტერეზა მეი.
My thoughts are with the people of France tonight and with the emergency services who are fighting the terrible blaze at Notre-Dame cathedral.
— Theresa May (@theresa_may) April 15, 2019
პარიზის ღვთისმშობლის ტაძარში ხანძარი დღეს, 15 აპრილს, შუადღისას გაჩნდა. BBC-ის თანახმად, ოფიციალური პირები ცეცხლის გაჩენის ზუსტ მიზეზს ჯერ ვერ ასახელებენ, თუმცა ვარაუდობენ, რომ ინციდენტი სარემონტო სამუშაოებს უკავშრდება. ხანძრის შედეგად ტაძრის ცნობილი კოშკი განადგურდა.
საფრანგეთის კრიზისის მართვის სააგენტო აცხადებს, რომ პარიზის ღვთისმშობლის ტაძარში ხანძრის ჩასაქრობად ვერტმფრენების გამოყენება შეუძლებელია. ინფორმაციას The Guardian ავრცელებს.
“ჰაერიდან წყლის ჭავლის დაშვება ასეთი ტიპის ნაგებობაზე მთელი სტრუქტურის ჩამოქცევას გამოიწვევს იმ მეხანძრეებთან ერთად, რომლებიც ყველაფერს აკეთებენ პარიზის ღვთისმშობლის ტაძრის გადასარჩენად”, – წერია განცხადებაში.
პარიზის ღვითსმშობლის ტაძრის მშენებლობა ჯერ კიდევ შუა საუკუნეებში, 1163 წელს დაიწყო და საბოლოოდ 200 წლის შემდეგ, მე-14 საუკუნეში დასრულდა. ტაძარს განსაკუთრებული პოპულარობა ვიქტორ ჰიუგოს რომანმა მოუტანა. ის გოთიკური არქიტექტურის ერთ-ერთ მნიშვნელოვან ნაგებობად ითვლება. ყოველწიურად ღვითსმშობლის ტაძარს 13 მილიონი ადამიანი სტუმრობს.