ფეისბუკი, ინსტაგრამი და ვოთსაპი გაითიშა

14 აპრილს სოციალური ქსელები, ფეისბუკი (მესენჯერთან ერთად) და ინსტაგრამი, ასევე, საკომუნიკაციო აპლიკაცია ვოთსაპი (whatsapp) გაითიშა. სამივე მათგანს კორპორაცია ფეისბუკი ფლობს.

პრობლემები 14 აპრილს, დაახლოებით 14:40 საათზე დაიწყო. სოციალური ქსელები არც მობილური აპლიკაციებითაა ხელმისაწვდომი და არც სხვა მოწყობილობებით. აპლიკაციებში News Feed-ი არ ახლდება, ვებგვერდები მიუწვდომელია; ვოთსაპში კი შეტყობინებები არ იგზავნება.

პლატფორმაზე Down Detector, რომელიც მონიტორინგს უწევს სოციალური ქსელების მუშაობას, ათასობით შეტყობინებაა შესული სხვადასხვა ქვეყნიდან.

გამოცემა Verge-ის თანახმად, შეფერხების მიზეზად ფეისბუკმა „სერვერის კონფიგურაციის ცვლილება“ დაასახელა და შეფერხებისთვის ბოდიში მოიხადა.

რეპორტები 15:10-ის მდგომარეობით

ამ ქსელების მომხმარებლებმა დროებით ტვიტერზე გადაინაცვლეს.

მსგავსი რამ დაახლოებით ერთი თვის წინაც მოხდა — ეს იყო ყველაზე უარესი „გათიშვა“ ფეისბუკისა და ინსტაგრამის ისტორიაში.

[მასალა განახლდება]