“[თეა] წულუკიანი მუშაობდა იქ და წულუკიანმა დაწერა დასკვნა”, – განაცხადა საქართველოს ყოფილმა პრეზიდენტმა მიხეილ სააკაშვილმა სტარასბურგის სასამართლოს მიერ გირგვლიანის საქმეზე გამოტანილი გადაწყვეტილების საკითხზე კომენტირებისას.
გირგვლიანის სკანდალურ საქმეზე სტრასბურგის ადამიანის უფლებათა სასამართლომ გადაწყვეტილება 2011 წელს გამოიტანა. გადაწყვეტილებაში სასამართლო გაოგნებულია ხელისუფლების სხვადასხვა შტოების წარმომადგენლების ხმაშეწყობილი მოქმედებით, რათა არ აღსრულებულიყო სამართლიანი მრთლმსაჯულება ამ უმძიმეს დანაშაულზე. რუსთავის 2-ის გენერალურმა დირექტორმა ნიკა გვარამიამ სასამართლოს გადაწყვეტილების ამ ნაწილზე ჰკითხა 2 აპრილს ინტერვიუში.
“იქ [სტრასბურგის სასამართლოში] დასკვნას წერდა წულუკიანი და ჰქონდა პირადი დაინტერესება”,- განაცხადა სააკაშვილმა და დასძინა, რომ გირგვლიანის საქმე “გაუფრთხილებლობით მკვლელობა” იყო და დამნაშავეები დააკავეს.
“რატომ არ გადააყენეთ [ვანო] მერაბიშვილი”? – ჰკითხა გვარამიამ, რაზედაც სააკაშვილმა უპასუხა, რომ მაშინდელი შინაგან საქმეთა მინისტრის არგადაყენების გადაწყვეტილება “შეცდომა” იყო:
“ეს იყო შეცდომა. მაშინ ვაპირებდი ვანოს გადაყენებას, მაგრამ ძალიან ბევრი ადამიანი მოვიდა და თქვა, არ შეიძლება ახლა, ასეთი სიტუაციაა, სიტუაცია მართლაც იყო ისეთი და ავიღე ჩემს თავზე ეს დარტყმა. ვფიქრობ, რომ შეცდომა იყო”.
სააკაშვილი: ყელში ამოვიდა გირგვლიანზე ლაპარაკი, ქვეყანა თავზე გემხობათ