დღეს, 28 იანვარს, დიდი დიღმის გადასახვევთან ავარიას ველოსიპედით მიმავალი მოქალაქე ემსხვერპლა. ავტომობილთან შეჯახების შედეგად 50 წლამდე კაცი ადგილზე გარდაიცვალა.
გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
რუსთავი 2-ის ინფორმაციით, ავტომობილის მძღოლი შემთხვევის ადგილიდან არ მიმალულა.