2018-ში ექსპორტზე გატანილი ღვინის რაოდენობით 30 წლის რეკორდი მოიხსნა – სააგენტო

ღვინის ეროვნული სააგენტოს ცნობით, 2018 წელს საქართველოდან მსოფლიოს 53 ქვეყანაში ექსპორტზე გავიდა 86.2 მლნ ბოთლი (0,75 ლ) ღვინო, რაც თითქმის ბოლო 30 წლის  რეკორდული მაჩვენებელია. ზრდამ 2017 წელთან შედარებით 13%-ს მიაღწია.  ექსპორტირებული ღვინის ღირებულება 203 მლნ აშშ დოლარს აღწევს,  რაც 2017 წლის ანალოგიურ მაჩვენებელთან შედარებით 20%-ით არის გაზრდილი.

სააგენტოს მონაცემებით, ექსპორტი გაზრდილია:

ქართული ღვინის სტრატეგიულ ბაზრებზე:

• იაპონია – 37% (211 883 ბოთლი);
• პოლონეთი – 31% (3 508 122);
• დიდი ბრიტანეთი – 33% (105 608);
• აშშ – 2% (466 056).

ევროპის მიმართულებით:

• შვეიცარია – 378% (25 350 ბოთლი);
• დანია – 111% (17 834);
• რუმინეთი – 100% (99 774);
• ჩეხეთი – 81% (61 908);
• იტალია 69% (17 244);
• ბულგარეთი – 60% (26 790);
• ნიდერლანდები – 38% (82 641);
• გერმანია – 20% (483 791);
• ლიეტუვა – 17% (488 154);
• საფრანგეთი – 14% (113 885);
• ლატვია – 14% (1 711 078);
• ესტონეთი – 11% (581 190) და ა.შ.

ტრადიციულ ბაზრებსა და აზიის მიმართულებით:

• სამხრეთ კორეა – 275% (68 124 ბოთლი);
• თურქმენეთი –  196% (197 694);
• ყირგიზეთი – 63% (218 550);
• აზერბაიჯანი – 40% (197 724);
• მონღოლეთი – 27% (214 398);
• უკრაინა – 26% (10 687 835);
• რუსეთი – 12% (53 682 627);
• ყაზახეთი – 8% (3 599 143) და სხვა.

ქვეყნების ათეული, სადაც ყველაზე მეტი ქართული ღვინო გაიყიდა, ასე გამოიყურება:

• რუსეთი  (53 682 627 ბოთლი);
• უკრაინა (10 687 835);
•  ჩინეთი  (6 951 019);
• ყაზახეთი (3 599 143);
• პოლონეთი (3 508 122);
• ლატვია (1 711 078);
• ბელარუსი (1 606 002);
• ესტონეთი (581 190);
• ლიეტუვა (488 154);
• გერმანია (483 791).

2018 წელს სხვადასხვა მოცულობის ღვინო ექსპორტზე 284-მა კომპანიამ გაიტანა. ექსპორტიორი კომპანიების რიცხვი, წინა წელთან შედარებით, 34-ით გაიზარდა.

ამასთან, როგორც ღვინის სააგენტო აცხადებს, მსოფლიოს 26 ქვეყანაში ექსპორტირებულია 20 მლნ ბოთლი (0,5 ლ) ბრენდი, რაც 9%-ით აღემატება 2017 წლის მაჩვენებელს. სულ ექსპორტირებულია  40.7 მლნ აშშ დოლარის ღირებულების ბრენდი – ზრდა 3%-ს აღწევს.

მსოფლიოს 26 ქვეყანაში ექსპორტირებულია 422 ათასი ბოთლი (0,5 ლ) ჭაჭა, ექსპორტის ზრდამ 47% შეადგინა. ჭაჭის ექსპორტით მიღებული შემოსავლები 1.2 მლნ აშშ დოლარს შეადგენს,  2017 წელთან  შედარებით, ზრდამ 44%-ს მიაღწია.

მთლიანობაში, ღვინის, ბრენდის, ჭაჭის, ჩამოსასხმელი ბრენდის და საბრენდე სპირტის ექსპორტის შედეგად მიღებული შემოსავლები 306.5 მლნ აშშ დოლარს შეადგენს –  2017 წელთან შედარებით, ზრდამ 7%-ს მიაღწია.