აფხაზეთის საფეხბურთო ფედერაცია არ შედის ფეხბურთის ასოციაციათა საერთაშორისო ფედერაციაში [FIFA], რაც კლუბის პრეზიდენტის თქმით, ლუის სუარესს საშუალებას მისცემს აფხაზეთის ჩემპიონატში “ნარტისთვის” ითამაშოს.
“ჩვენ, რა თქმა უნდა, ვერ დავაკმაყოფილებთ ურუგვაელი ფეხბურთელის რეალურ ფინანსურ საჭიროებებს, მაგრამ რამდენადაც აფხაზეთში ჩემპიონატი ამჟამად მიმდინარეობს, მუდმივი სათამაშო პრაქტიკა სუარესს საშუალებას მისცემს სპორტული ფორმა შეინარჩუნოს,”- განაცხადა ცვინარიამ.
იქამდე სუარესი სათამაშოდ კოსოვოს ერთ-ერთმა კლუბმა მიიწვია, რადგან კოსოვოს საფეხბურთო ფედერაცია ასევე არ არის ფიფას წევრი.
ლუის სუარესს მსოფლიო ჩემპიონატზე იტალიის გუნდის მოთამაშის ჯორჯიო კიელინისთვის კბენის გამო ოთხი თვით დისკვალიფიკაცია მიენიჭა.