თბილისში, გამოძალვის ბრალდებით, 1983 წელს დაბადებული პირი დააკავეს.
შსს-ს ცნობით, გამოძიებით დადგინდა, რომ დაკავებული რამდენიმე თვის განმავლობაში დაზარალებულს დიდი ოდენობით თანხას სძალავდა. თანხის არ გადაცემის შემთხვევაში კი – ბრალდებული დაზარალებულს მის სექსუალურ ორიენტაციასთან დაკავშირებული ინფორმაციის გავრცელებით ემუქრებოდა.
გამოძიება სსკ-ს 181-ე მუხლის მე-2 ნაწილით მიმდინარეობს, რაც გამოძალვას გულისხმობს. დანაშაული 4-დან 7 წლამდე თავისუფლების აღკვეთით ისჯება.