“თანასწორობის ჯილდო” 12 ადამიანს, ლგბტქ თემის გაძლიერებისათვის

“თანასწორობის მოძრაობამ” ლგბტქ ადამიანების გაძლიერებაში მონაწილეობისათვის 12 ადამიანი დააჯილდოვა. ცერემონია, სახელწოდებით “თანასწორობის გალა” დღეს, 7 დეკემბერს, თბილისში გაიმართა.

12 გამარჯვებულს, რომლებიც თემის წევრებისა და 6 ორგანიზაციის ხმის მიცემის საფუძველზე შეირჩა, თანასწორობის ჯილდოები გადაეცათ. დაჯილდოებულებს შორის არიან პოლიტიკოსი, სასულიერო პირი, ექიმები, სპორტსმენი, აკადემიის წარმომადგენელი, შიდსის აქტივისტი, ჟურნალისტი, მწერალი, ხელოვანი, ბიზნესი და პოლიციელი.

დაჯილდოებულთა სია ასეთია:

• ნომინაციაში პოლიტიკოსი – თამარ კორძაია, “რესპუბლიკური პარტიის ლიდერი;
• ნომინაციაში ექიმი – გიორგი ჭეიშვილი, ექიმი-ფსიქიატრი, ტრანსგენდერ ადამიანებს ტრანზიციის გზაზე ეხმარება; ნინო რუხაძე,  – ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის თანამშრომელი;
• ნომინაციაში ჟურნალისტი – ნათია ორველაშვილი, ტელეკომპანია “იმედის” კორესპონდენტი;
• ნომინაციაში ხელოვანი – ლაშა ცერცვაძე, ფოტოგრაფი;
• ნომინაციაში მწერალი – დავით გაბუნია, მწერალი და სცენარისტი;
• ნომინაციაში აკადემიის წარმომადგენელი – გიორგი მაისურაძე , ლექტორი;
• ნომინაციაში ბიზნესი – კლუბი “ბასიანი”;
• ნომინაციაში სპორტსმენი – გურამ კაშია, ფეხბურთელი;
• ნომინაციაში პოლიციელი – ლალი ინასარიძე;
• ნომინაციაში შიდსის აქტივისტი – გიორგი სოსელია; ორგანიზაცია “მსოფლიო ექიმები”;
• ნომინაციაში სასულიერო პირი – რუსუდან გოცირიძე, ევანგელურ-ბაპტისტური ეკლესიის ეპისკოპოსი;

“თანასწორობის გალაზე” ორგანიზაციამ  ასევე შეაჯამა 2018 წელი და შეკრებილ საზოგადოებას “თანასწორობის მოძრაობის” მიერ შესრულებული სამუშაოს ანგარიში წარუდგინა.

“თანასწორობის მოძრაობის” ჯილდო