ამის შემდეგ ჟურნალისტებს კომისიის თავმჯდომარის ნაცვლად ესაუბრებოდა “ადვოკატთა და იურისტთა საერთაშორისო ობსერვატორიის” დამკვირვებელი ნარგიზა ფარჯიკია. მისი თქმით, თორიამ საჩივარი დაწერა, რადგან კომისიის თავმჯდომარე ტუალეტში გავიდა, რაც, მისი შეფასებით, უსაფუძვლო იყო, ამას კი მოჰყვა დაპირისპირება.
- 28 ნოემბერს საქართველოს პრეზიდენტის არჩევნების მეორე ტური იმართება. არჩევნებში მონაწილეობს პრეზიდენტობის 2 კანდიდატი – გრიგოლ ვაშაძე, №5 და სალომე ზურაბიშვილი, №48.
- ამ კანდიდატებმა არჩევნების პირველ ტურზე ამომრჩეველთა ხმების ყველაზე მეტი რაოდენობა მიიღეს, თუმცა ვერც ერთმა ვერ მოაგროვა არჩევნებზე გამოცხადებულ ამომრჩეველთა რაოდენობის 50% -ზე მეტი, რის გამოც მეორე ტური დაინიშნა.
- პირველ ტურში სალომე ზურაბიშვილმა, რომელსაც მმართველი გუნდი “ქართული ოცნება” უჭერს მხარს, ხმების 38.64% მიიღო, გაერთიანებული ოპოზიციის კანდიდატმა გრიგოლ ვაშაძემ კი -37.74%.