კაჩინსკის ქუჩის რეაბილიტაციის გამო ტრანსპორტის მოძრაობა შეიზღუდება

თბილისის მერიის ცნობით, ინფრასტრუქტურული სამუშაოებიდან გამომდინარე, ხვალ, ღამის 00:00 საათიდან 30 ოქტომბრამდე ტრანსპორტის მოძრაობა შეიზღუდება ლეხ კაჩინსკის ქუჩის, ქეთევან დედოფლის გამზირისა და აწყურის ქუჩის მონაკვეთზე. შესაბამისად, საზოგადოებრივი ტრანსპორტის მარშრუტები დროებით ასე  შეიცვლება: 

[checklist]

• N37 ავტობუსი აეროპორტიდან სადგურის მოედნისკენ მოძრაობისას, ჯორჯ ბუშის ქუჩიდან კვლავ კახეთის გზატკეცილისკენ მობრუნდება და აწყურის ქუჩისა და კახეთის I შესახვევის გავლით ქეთევან დედოფლის გამზირს მეტროსადგურ „ისანთან“ დაუკავშირდება.
• ბუშის ქუჩიდან ქალაქის ცენტრისკენ გადაადგილებისას, მიკროავტობუსები N27, N167 და N183 კაჩინსკის ქუჩიდან აწყურის ქუჩაზე მარჯვნივ შეუხვევენ და კასპის ქუჩიდან მოძრაობას ქეთევან დედოფლის გამზირზე განაგრძობენ.
• ქალაქის ცენტრალური უბნებიდან კახეთის გზატკეცილის მიმართულებით მოძრაობისას, N27 და N183 მიკროავტობუსები ქეთევან დედოფლის გამზირიდან ბოჭორმის ქუჩით მობრუნდებიან, გაივლიან კასპის, შემდგომ კი – აწყურისა და ნორიოს ქუჩებს და ავლიპ ზურაბაშვილის ქუჩიდან კახეთის გზატკეცილზე აუხვევენ.

[/checklist]