თბილისში, ისანში ქვეითს ავტომობილი შეეჯახა. როგორც ნეტგაზეთს შსს-ში განუცხადეს, ასაკოვანი მამაკაცი გზაზე ფეხით გადადიოდა, რა დროსაც შეჯახება მოხდა.
შსს-ს ცნობით, მამაკაცმა მსუბუქი დაზიანება მიიღო. ის საავადმყოფოშია გადაყვანილი.
გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს (ტრანსპორტის მოძრაობის უსაფრთხოების ან ექსპლუატაციის წესის დარღვევა).