გავრცელებული ტყუილი
შსს-ს ცნობით, სხვადასხვა ონლაინ საინფორმაციო სააგენტოს მიერ გავრცელებული ინფორმაცია, თითქოს 3 აგვისტოს მარიხუანას ზემოქმედების ქვეშ მყოფი ბაღდათის პოლიციის თანამშრომელი პოლიციის კუთვნილი ავტომობილით საირმის გზაზე სანიაღვრე არხში ჩავარდა, ტყუილია.
ისტორია მარიხუანას ზემოქმედების ქვეშ მყოფი პოლიციელის კანონდარღვევის შესახებ თავდაპირველად TOP NEWS-ზე გავრცელდა, რომელიც შემდეგ სხვა საიტებმა და ვირუსულმა ფეისბუკის ჯგუფებმა აიტაცეს.
მას შემდეგ, რაც საქართველოს საკონსტიტუციო სასამართლოს გადაწყვეტილებით, მარიხუანას მოხმარება ლეგალური გახდა, საზოგადოების ნაწილი შიშობს, რომ ამით მომხმარებელთა რაოდენობა გაიზრდება, რაც მხოლოდ მათ ვარაუდს ეფუძნება. აღნიშნული დეზინფორმაციასაც სწორედ ის ადამიანები აზიარებენ ყველაზე აქტიურად სოციალურ ქსელში, რომლებიც საკონსტიტუციო სასამართლოს გადაწყვეტილებას ნეგატიურად აფასებენ.
გავრცელებული ტყუილი