ფრანგი მწერალი მიშელ უელბეკი თბილისშია. ის საქართველოში გამთენიისას ჩამოვიდა.
მწერალი დღეს, 23 ივნისს, 12:00-ზე პრესკონფერენციას გამართავს, 25 ივნისს, 20:00-ზე კი მკითხველებს რუსთაველის თეატრში შეხვდება.
მწერალი საქართველოში ქართული წიგნის ეროვნული ცენტრის მოწვევით იმყოფება.
მიშელ უელბეკი 1958 წლის 26 თებევრალს საფრანგეთში დაიბადა. წერს ესეებსა და თხზულებებს, გამოცემული აქვს რამდენიმე პოეტური კრებული და სიმღერების ალბომიც. გასულ წლებში უელბეკის არაერთი რომანი, მათ შორის, “კუნძულის შესაძლებლობა”, “მორჩილება” და “პლატფორმა” ქართულადაც ითარგმნა.