მე–3 კვარტალში სარეკლამო მომსახურებით რუსთავი 2–მა 5 110 100 ლარის შემოსავალი მიიღო, გადაცემის ეთერში განთავსებით – 56 017 ლარი, სპონსორობით – 937,632 ლარი, ტექნიკური მომსახურებით – 78 712 ლარი, ხოლო სხვა სახის შემოსავალმა 526 ლარი შეადგინა. წლის მე–4 კვარტალში კომპანიის შემოსავლები მნიშვნელოვნად გაიზარდა – გადაცემის განთავსებით რუსთავი 2–მა 84,068.46 ლარი გამოიმუშავა, რეკლამით – 11,230,633.57 ლარი, სპონსორობით – 3,621,351.00 ლარი, სხვა სახის შემოსავლებმა 145,439.53 ლარი შეადგინა, ხოლო ტექნიკურმა მომსახურებამ – 119,001.38 ლარი. გასული წლის მე–3 და მე–4 კვარტალში კომპანიას სულ 21 383 479 ლარი შემოსავალი ჰქონდა.
რუსთავი 2–ს შემდეგ მეორე ადგილზეა ტელეიმედი, რომელმაც მე–3 კვარტალში სარეკლამო სერვისით სულ 2 508 392 ლარი შემოსავალი მიიღო, ხოლო სპონსორობით – 672 385 ლარი. რუსთავის 2–ის მსგავსად, მე–4 კვარტალში იმედის შემოსავლებიც გაიაზარდა: კომპანიამ რეკლამების გზით 5,516,499.00 ლარი გამოიმუშავა, ხოლო სპონსორობით – 2,025,075.00 ლარი.
მესამე ადგილზეა მაესტრო, რომლის შემოსავალიც მხოლოდ რეკლამებით განისაზღვრა: 2013 წლის მე–3 კვარტალში – 1 298 085 ლარი, ხოლო მე–4 კვარტალში – 2,524,004 ლარი.
ჯი–ემ–ჯიმ გასული წლის მე–3 კვარტალში კონტენტის რეალიზებით და საეთერო დროის გაყიდვით 696 435 ლარი გამოიმუშავა, რეკლამით – 201 344 ლარი, სპონსორობით – 24 906 ლარი, სხვა შემოსავალმა 71 897 ლარი შეადგინა, ხოლო ტექნიკური მომსახურებით მობილიზებულმა თანხამ 2542 ლარი. მე–4 კვარტალში ჯი–ემ–ჯის შემოსავლები ასე გამოიყურება: გადაცემის განთავსება – 8,236.98 ლარი, კონტენტის რეალიზება და საეთერო დროის გაყიდვა – 689,551.75 ლარი, რეკლამა – 234,112.67 ლარი, სპონსორობა 23,766.52 ლარი, სხვა – 45,219.32 ლარი, ტექნიკური მომსახურება – 2,542.38 ლარი.
სამოქალაქო განათლების ცენტრმა (ტაბულა) გასული წლის მე–3 კვარტალში რეკლამებით 144 830 ლარი გამოიმუშავა, ხოლო მე–4 კვარტალში – 37,515.73 ლარი. მე–4 კვარტალში ტელეკომპანიას შემოსავლის სხვა წყაროც გაუჩნდა – 84,745.76 ლარი.
საპატრიარქოს ტელევიზიამ მე–3 კვარტალში 6 200 მიიღო რეკლამებით, ხოლო სპონსორობით – 8500. საპატრიარქოს ტელევიზიის მიერ წლის მე–4 კვარტალში მიღებული შემოსავლები ანგარიშში ასახული არ არის.
ობიექტივმა მე–4 კვარტალში რეკლამით 21,641.00 ლარი გამოიმუშავა, სხვა შემოსავლებმა – 415 ლარი შეადგინა, ხოლო შემოწირულობამ – 66,855.00 ლარი.
კომუნიკაციების ეროვნული კომისიის ვებგვერდზე ასევე გამოქვეყნებული ინფორმაცია იმ პირების თაობაზე, ვისგანაც კვარტლის განმავლობაში 7000 ლარზე მეტი შემოსავალი მიიღეს