ძლიერი წვიმისა და უამინდობის გამო გომბორის უღელტეხილზე ავტოტრანსპორტის მოძრაობა დროებით შეიზღუდა. ამის შესახებ “ნეტგაზეთს” შინაგან საქმეთა სამინისტროში გამუცხადეს.
უწყების ცნობით, კახეთის მიმართულებით მოძრავი ავტომანქანები თბილისი-ბაკურციხე-თელავის საავტომობილო მაგისტრალით ისარგებლებენ. გომბორის უღელტეხილზე ავტომანქანით გადაადგილება კი ამინდის გაუმჯობესებისთანავე აღდგება.
ამჟამად, ადგილზე ვითარებას საპატრულო პოლიციის თანამშრომლები აკონტროლებენ.