პარლამენტის წინ შეკრებილებთან, რომლებიც მთავრობის გადადგომას მოითხოვენ, პრემიერ-მინისტრი გიორგი კვირიკაშვილი მივიდა.
“წადი! წადი! წადი! გადადექი!” – სკანდირებენ აქციის მონაწილეები. ისინი ამბობენ, რომ კვირიკაშვილს არ მოუსმენენ.
კვირიკაშვილმა თქვა, რომ სარალიძე-დადუნაშვილის მკვლელობის საქმეს შსს გამოიძიებს, თუმცა მას სიტყვის გაგრძელების საშუალება არ მიეცა. აქციაზე ამ დრომდე დაძაბულობაა.
კვირიკაშვილმა ტერიტორია დატოვა მას შემდეგ, რაც მის წინააღმდეგ აქციის მონაწილეებმა სხვადასხვა საგნის სროლა დაიწყეს.