Tesla-სა და SpaceX-ის აღმასრულებელი დირექტორი, ილონ მასკი ვებსაიტის შექმნას გეგმავს, სადაც მომხმარებლებს ჟურნალისტებისა და მედიაკომპანიების შეფასება შეეძლებათ. როგორც ილონ მასკი ტვიტერზე წერს, შესაძლოა ახალ ვებ-გვერდს “პრავდა” დაარქვას.
მასკის ამ გადაწვეტილებას CNN მედიაზე თავდასხმად აფასებს. ამერიკული მედიაკომპანია წერს, რომ მასკი მედიას არაკეთილსინდისიერებაში ადანაშაულებს.
მასკის თქმით, შექმნის ვებ-გვერდს, სადაც საზოგადოებას შეეძლება შეაფასოს, რამდენად ეფუძნება ნამდვილ ამბებს ესა თუ ის სტატია, საბოლოო ჯამში კი, შეიქმნება შეფასების სისტემა თითოეულ ჟურნალისტსა და გამოცემაზე.
Going to create a site where the public can rate the core truth of any article & track the credibility score over time of each journalist, editor & publication. Thinking of calling it Pravda …
— Elon Musk (@elonmusk) May 23, 2018
Tesla-სა და SpaceX-ის აღმასრულებელი დირექტორი აცხადებს, რომ საიტი არა მხოლოდ დაცული უნდა იყოს ბოტებისგან, არამედ ამხილოს ყველა, ვინც პასუხისმგებელია მათი გამოყენებით დეზინფორმაციის გავრცელებაზე.
Not only needs to be botproof, but seek & unmask anyone operating a disinformation bot army
— Elon Musk (@elonmusk) May 23, 2018