სქრინშოტი ფიფას ვებგვერდიდან
2018 წლის მსოფლიო ჩემპიონატის ოფიციალურ ვებგვერდზე მასპინძელი ქვეყნის დახასიათებაში წერია, რომ რუსეთს 18 მეზობელი ქვეყანა ჰყავს.
სქრინშოტი ფიფას ვებგვერდიდან
სინამდვილეში რუსეთს 16 მეზობელი ქვეყანა ჰყავს (იაპონიისა და აშშ-ის ჩათვლთ). 18 მეზობელი გამოდის აფხაზეთისა და სამხრეთ ოსეთის ჩათვლით, რომელთა დამოუკიდებლობასაც საქართველო და საერთაშორისო თანამეგობრობა არ აღიარებს.
ზემოხსენებული ინფორმაცია ფიფას ვებგვერდზე რადიო თავისუფლების ბრიუსელის ბიუროს კორესპონდენტმა რიკარდ იოზვიკმა აღმოაჩინა და ტვიტერზე გამოაქვეყნა.
Last time I checked, #Russia neighbors 16 countries. On the official @FIFAcom website it is stated that Russia has 18 neighbours. Is FIFA undermining the sovereignty and territorial integrity of #Georgia? did FIFA maybe count Abkhazia & South Ossetia as independent countries? pic.twitter.com/3Ch868Q5BI
— Rikard Jozwiak (@RikardJozwiak) April 20, 2018
იოზვიკას ტვიტერზევე პასუხობს საქართველოს ელჩი დიდი ბრიტანეთის გაერთიანებულ სამეფოში თამარ ბერუჩაშვილი. მისი თქმით, ქართული მხარე ამ საკითხზე მუშაობს.
მას შემდეგ, რაც რიკარდმა მსოფლიო ფეხბურთის ორგანიზაციას შეტყობინება გაუგზავნა, ფიფას ოფიციალურმა ვებ-გვერდმა მალევე გამოასწორა შეცდომა და საერთოდ წაშალა რუსეთის მეზობელი ქვეყნების რაოდენობა.
ფიფა მსოფლიო ფეხბურთის მმართველი ორგანოა, რომელიც 4 წელიწადში ერთხელ მსოფლიო ჩემპიონატს ატარებს. წელს საფეხბურთო ჩემპიონატი რუსეთში იმართება.