პროკურატურა ქიმერიძის საქმეზე: ყველა დაკითხულია და გამოძიება გრძელდება

როგორც პროკურატურის პრესსამსახურის უფროსმა ხათუნა პაიჭაძემ „ნეტგაზეთს“ განუცხადა, ყველა მოწმე დაკითხულია და გამოძიება გრძელდება:

„გამოძიება დიდი ხნის წინ იყო დაწყებული, ამ ეტაპზე ჯერ კიდევ მიმდინარეობს ამ საქმეზე გამოძიება. ყველა დაკითხულია და გამოძიება გრძელდება, თუკი გამოჩნდება რაიმე ისეთი მნიშვნელოვანი გარემოება, რომელიც ამ საქმეს დაეხმარება, მე თხოვნა მექნება, რომ თუ თქვენ გაქვთ ასეთი ინფორმაცია, გამოძიებას მიმართეთ.“

მისივე განამრტებით, თუ არსებობს მოწმე, რომლის შესახებაც პროკურატურას ინფორმაცია არ აქვს, ისინი ამ მოწმეს მიიღებენ და დაკითხავენ:

„რამდენიმე სხვადასხვა ვერსია განიხილება, მაგრამ რა ვერსია განიხილება, გამოძიების დასრულებამდე არ შემიძლია გითხრათ, მაგრამ როცა აქტიურდება საკითხი, როგორც წესი, ახალი მოწმე გამოჩნდება, მედიასთან მიდიან ძირითადად და პროკურორმაც მთხოვა, რომ თუ ასეთი რამ არის, მზად ვართ მოწმე მივიღოთ და დავკითხოთ.“

კითხვაზე, იკვეთება თუ არა ვინმეს ბრალეულობა აღნიშნულ საქმეში, პაიჭაძე პასუხობს:

„სანამ ბრალის წარდგენა არ მოხდება, ვინმეს ბრალეულობაზე საუბარი ნამდვილად არ შემიძლია.”