შერიგების და სამოქალაქო თანასწორობის საკითხებში სახელმწიფო მინისტრის აპარატის კუთვნილი ავტომობილი მოზარდს დაეჯახა. სამინისტროს პრესამსახურის ცნობით, მოზარდი მცირე დაზიანებებით ინგოროყვას კლინიკაშია გადაყვანილი.
პრესსამსახურის ცნობითვე, საჭეს სამინისტროს მძღოლი მართავდა და ავტომობილში იმყოფებოდა მინისტრი ქეთევან ციხელაშვილიც.
შსს-ს ცნობით, მომხდართან დაკავშირებით გამოძიება სისხლის სამართლის კოდექსის 276 ე მუხლის 1-ლი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ბრალის დამტკიცების შემთხვევაში, მუხლი ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.