იან კელი: ჩვენ კიდევ ერთხელ მოვუწოდებთ მოსკოვსა და ცხინვალს, ტატუნაშვილის ცხედარი დააბრუნონ

აშშ-ის ელჩი საქართველოში იან კელი მოსკოვსა და ცხინვალს არჩილ ტატუნაშვილიs ცხედარის დაბრუნებისა და ოკუპირებულ ახალგორში 22 თებერვალს უკანონოდ დაკავებული საქართველოს მოქალაქეების, ლევან ქუტაშვილისა და იოსებ პავლიაშვილის გათავისუფლებისკენ მოუწოდებს.

“ჩვენ მხარს ვუჭერთ პრემიერ-მინისტრისა და მისი მთავრობის ძალისხმევას ამ საკითხის გადაჭრაში, აუცილებელია ამ საკითხზე დადგეს პასუხისმგებლობა, ჩვენ ძალიან ყურადღებით ვაკვირდებით მიმდინარე პროცესებს და ამ საქმეში ჩართულნიც ვართ. ჩვენ კიდევ ერთხელ მოვუწოდებთ მოსკოვსა და ცხინვალს, გაათავისულონ ის ორი დაკავებული და ცხედარი დააბრუნონ,” – განაცხადა მან ჟურნალისტებთან საუბრისას. მისი განცხადების თარგმანს ტელეკომპანია “იმედი” ავრცელებს.

• სუს-ის ცნობით, 22 თებერვალს ოკუპირებული ცხინვალის წარმომადგენლებმა საქართველოს მოქალაქეები, არჩილ ტატუნაშვილი, ლევან ქუტაშვილი და იოსებ პავლიაშვილი უკანონოდ დააკავეს.
• ოსური მხარის ინფორმაციით, დაკავებულმა არჩილ ტატუნაშვილმა წინააღმდეგობა გაუწია სამართალდამცავებს, რის გამოც მის წინააღმდეგ ძალის გამოყენება გახდა საჭიროო.ოსური მხარის განცხადებით 35 წლის არჩილ ტატუნაშვილი “23 თებერვლის ღამეს ცხინვალის იზოლატორის კიბეზე დაგორდა და ცხინვალის საავადმყოფოში “გულის უკმარისობით” გარდაიცვალა. მისი ცხედარი ქართულ მხარეს ჯერ კიდევ არ გადასცემია.
• ტატუნაშვილთან ერთად დაკავებული ქუტაშვილი და პავლიაშვილი გაათავისუფლეს, თუმცა მათ ეკრძალებათ ოკუპირებული ახალგორის ტერიტორიის დატოვება.