“ფორბსი” იმ 19 ადამიანის სიას აქვეყნებს, რომლებმაც კრიპტოვალუტით ყველაზე დიდი მოგება ნახეს. მათ შორისაა “ბიტფურის” აღმასრულებელი დირექტორი, ვლადიმერ ვავილოვიც. “ბიტფური” ბიტკოინის მწარმოებელი კომპანიაა,რომლის დატა [მონაცემების] ცენტრი საქართველოშიც მდებარეობს.
კრიპტოვალუტით გამდიდრებული ტოპ 10 ადამიანის სია “ფორბსის” მიხედვით ასე გამოიყურება:
ლარსენი “Ripple-ის” აღმსარულებელი საბჭოს ხელმძღვანელი და კომპანიის ყოფილი აღმასრულებელი დირექტორია. კომპანია ბლოკჩეინ ტექნოლოგიის გამოყენებით, ბანკებს სართაშორისო გადარიცხვებს უადვილებს. “Ripple”-ის კრიპტოვალუტას კომპანიის იდენტური სახელწოდება აქვს და მთლიანი კაპიტალი დაახლოებით 95 მილიარდ აშშ დოლარს შეადგენს.
ლუბინი წარმოშობით ტორონტოდანაა. მისი დაარსებულია ბლოკჩეინ პლატფორმა “Ethereum”. მან ასევე დააფუძნა კომპანია “ConcenSys”, რომლის წარმომადგენლობაც მსოფლიოს გარშემო 28 ქვეყანაშია და კონსულტაციებს უწევს ისეთ კომპანიებს, როგორიცაა “Microsoft”.
ჯაოს 7 თვეზე ნაკლები დასჭირდა მსოფლიოს ყველაზე მასშტაბური კრიპტო-ბირჟის, “Binance”-ის შესაქმნელად, რომელსაც 6 მილიონი მომხმარებელი ჰყავს.
საკუთარი იდეის განსახორციელებლად 2014 წელს შანხაიში ჯაომ მის საკუთრებაში არსებული სახლიც გაყიდა. ამ დრომდე არ ფლობს მანქანას. არ აქვს იახტა და სხვა ფუფუნების საგნები.
როგორც “ფორბსი” წერს, ჯაო ჩინეთში დაიბადა, მისი მშობლები მასწავლებლები იყვნენ, თავად კი თინეიჯერობის დროს მაკდონალდსში ბურგერებს ფუთავდა და ღამის ცვლაში გაზგასამართ სადგურზე მუშაობდა.
ტაილერმა და მისმა ტყუპისცალმა კამერონმა ბიტკოინები 2012 წელს შეიძინეს, მაშინ, როცა ამ კრიპტოვალუტის შესახებ ბევრმა არც იცოდა. ძმებმა ნიუ-იორკში კრიპტო-ბირჟა შექმნეს, რომლის დღიური ტრანზაქციები 300 მილიონ აშშ დოლარს აღწევს.
ძმები მარკ ცუკერმბერგს “ფეისბუქის” შექმნის იდეის მოპარვაში ადანაშაულებდნენ და სასამართლოსაც მიმართეს. ამ საქმიდან ტყუპებმა 65 მილიონი აშშ დოლარი მიიღეს, საიდანაც 11 მილიონი დოლარი ბიტკოინებში დააბანდეს.
მელონი ინდივიდუალური ინვესტორია. ოჯახისა და მეგობრების გაფრთხილების მიუხედავად, 2 მილიონი აშშ დოლარი დააბანდა კრიპტოვალუტაში და “Ripple”-ის ერთ-ერთი პირველი ინვესტორი იყო.
არმსტრონგმა დაარსა კომპანია”Coinbase”, რომლის საშუალებითაც კრიპტოვალუტის შეძენა და მათი სხვა ვალუტებზე გადაცვლაა შესაძლებელი.
როშაკი ამბობს, რომ იღბლიანია, რადგან ბიტკოინის შესახებ ძალიან ადრე, 2011 წელს შეიტყო და მალევე შეიძინა. როგორც როშაკი ამბობს, რიჩარდ ბრენსონმა და ბილ კლინტონმა თავიანთი პირველი ბიტკოინები სწორედ მისგან მიიღეს.
დი-იორიო “Ethereum”-ის თანადამფუძნებელია. რამდენიმე ასეული ათასი დოლარი, რომელიც დი-იორიომ საკუთარი კომპანიებიდან მიიღო, “Ethereum”-ის შექმნაში დახარჯა. წარმატების ფორმულა ასეთია – “ჩაები ადრეულ სტადიაზე და როცა აქტივების ფასი გაიზრდება, წამოიღე მოგება და ახალ, იმედისმომცემ პროექტში დააბანდე”.
პირსი ბავშვობაში მსახიობი იყო. ის კრიპტოვალუტების ერთ-ერთი პიონერია. მისი დაარსებულია რამდენიმე ციფრულ ვალუტაზე მომუშავე კომპანია, მათ შორის: “Mastercoin”, “Coinbase” და “Ethereum-ი”.
2000-იან წლებში პირსმა ” Internet Gaming Entertainment” დააარსა, სადაც ათასობით ადამიანი ჩინეთში ვიდეოთამაშებს თამაშობდა, ვირტუალურ პრიზებს იგებდა, რომლებსაც შემდგომ კომპანია მსოფლიოს გარშემო ვიდეოთამაშების მოყვარულებზე ყიდდა.
ამის შემდეგ პირსი ბიტკოინებით დაინტერესდა და კრიპტოვალუტის სფეროში მომუშავე რამდენიმე კომპანიის შექმნაშიც მიიღო მონაწილეობა.
ნოვოგრატსი ყოფილი მილიარდერია, რომელმაც 2013 წელს კრიპტოვალუტებში ფულის დაბანდებით კაპიტალი ხელახლა დააგროვა.
“რომ არ გამეყიდა “Ethereum”-ის (კრიპტოვალუტა) ნაწილი, როცა მათი ფასი 15 დოლარამდე დაეცა, ალბათ გაცილებით მეტი კაპიტალი მექნებოდა, თუმცა ვერ გეტყვით, რამდენად, რადგან ამაზე ფიქრი ცუდად გამხდის” – ამბობს ნოვოგრატსი “ფორბსისთვის მიცემულ ინტერვიუში.
მისი თქმით, ამ ბიზნესში წარმატებას ისინი აღწევენ, ვისაც ნამდვილად სჯერა წარმატების და არ ჰყვება სპეკულაციებს.
ფორბსის სიაში მეცამეტე ადგილი დაიკავა ვალერი ვავილოვმა, რომლის კრიპტოკაპიტალი დაახლოებით 700 მილიონიდან – 1 მილიარდ აშშ დოლარამდეა.
ის წარმოშობით ლიტვიდანაა და ბიტკოინის ინდუსტრიის ერთ-ერთ მსხვილ მოთამაშეს, “ბიტფურის” ხელმძღვანელობს.
უკვე სამი წელია, რაც ვავილოვის კომპანიას საქართველოში მონაცემთა ცენტრი აქვს გახსნილი. ვავილოვი ამბობს, რომ საქართველოში “ყველაფერი ბევრად ადვილად გვარდება, რადგან აქ ბიზნესის კეთების მექანიზმი ძალიან ეფექტურია.” ვავილოვი ასე ფიქრობს, რადგან მის დაქვემდებარებაში მყოფმა კომპანია “ბიტფურიმ”: