კატალონიის რეფერენდუმი, რომელმაც რეგიონის ესპანეთისგან გამოუკიდებლობის საკითხი უნდა გადაწყვიტოს, ქაოსში გადაიზარდა. პოლიციის რეიდის შედეგად ათეულობით ადამიანია დაშავებული. კატალონიის სასწრაფო სამედიცინო სამსახურის ინფორმაციით, მათი უმეტესობა მსუბუქადაა დაშავებული.
When you use the tools of the state to forcibly stop people from carrying out a peaceful vote, you cease to be a democracy. #Catalonia pic.twitter.com/BD9x8sebUW
— Jack Foster (@jackfostr) October 1, 2017
ბარსელონის ვიცემერის განცხადებით, პოლიციამ უკანონო რეფერენდუმში მონაწილეების წინააღმდეგ რეზინის ტყვიები გამოიყენა.
ქალაქ გირონაში, სადაც კატალონიის პრეზიდენტი ხმის მისაცემად იმყოფებოდა, სამართალდამცავებმა საარჩევნო უბნის შენობის ფანჯრები ჩაამტვრიეს და ისე შევიდნენ.
“კანონის შესაბამისად, პოლიციას საარჩევნო ყუთები გამოაქვს, რადგან ეს რეფერენდუმი უკანონოა,”- წერს ტვიტერზე ესპანეთის შინაგან საქმეთა მინისტრი.
პოლიციას ძალის გამოყენებით საარჩევნო უბნებიდან ასობით ადამიანი გამოჰყავს, რომლებიც სკანდირებენ- ჩვენ მშვიდობიანი მოსახლეობა ვართ. რეგიონში, საარჩევნო უბნებთან ახლოს, მობილიზებულია სასწრაფო დახმარების ბრიგადები.
კატალონია ესპანეთის მდიდარი რეგიონია. მას აქვს საკუთარი ხელისუფლება, რომელსაც გენერალიტეტს უწოდებენ. რეგიონის ხელისუფლებას აქვს მნიშვნელოვანი ძალაუფლება და გადაწყვეტილებებს იღებს ისეთ საკითხებზე, როგორებიცაა ჯანდაცვა, განათლება და გადასახადების აკრეფა.
კატალონიაში მცხოვრები ნაციონალისტები აცხადებენ, რომ ისინი ცალკე ეროვნებას წარმოადგენენ, რომლებსაც აქვთ საკუთარი კულტურა, ისტორია და ენა. კატალონიის შემოსავლები ესპანეთის ცენტრალურ ხელისუფლებაში მიდის. დამოუკიდებლობის მომხრე პოლიტიკოსები ამბობენ, რომ შემოსავლების განაწილების რთული მექანიზმი უასამართლოა და კატალონიის შემოსავლით ესპანეთის სხვა რეგიონების სუბსიდირება ხდება.