დღეს, 16 სექტემბერს, სანდრო ეულის ქუჩაზე, სავარაუდოდ, მშენებარე კორპუსის ჟანგბადის ავზის აფეთქების შედეგად ერთი ადამიანი გარდაიცვალა. ამის შესახებ ნეტგაზეთს საქართველოს შინაგან საქმეთა სამინისტროში განუცხადეს.
შსს-ს ინფომრაციით, ამ დროისთვის ადგილზე იმყოფებიან სამართალდამცველები და მიმმდინარეობს საგამოძიებო მოქმედებები. რომელი კოდექსის რა ნაწილით დაიწყება გამოძიება, ამის შესახებ ინფორმაცია ცოტა მოგვიანებით გახდება ცნობილი.