“ზარალის ზუსტი ოდენობა კომისიის მუშაობის დასრულების შემდეგ იქნება ცნობილი”, – აცხადებენ “საქართველოს რკინიგზაში”. მათივე ცნობით, მომხდარის მიზეზების დადგენის მიზნით შეიქმნა სპეციალური ჯგუფი და მიმდინარეობს შიდა მოკვლევა:
“საქართველოს რკინიგზის“ შესაბამისი სამსახურები გადასულია საგანგებო რეჟიმზე, შექმნილი პრობლემის სრულფასოვანი აღმოფხვრა მოხდება დღის ბოლომდე.”
ავარიის დეტალებს შინაგან საქმეთა სამინისტრო იძიებს. სიტუაციის შესწავლის მიზნით ადგილზე იმყოფებოდნენ „საქართველოს რკინიგზის“ გენერალური ინსპექციისა და გარემოს დაცვის სამინისტროს ეკოლოგიური ექსპერტიზისა და ინსპექტირების დეპარტამენტის წარმომადგენლები.
“საქართველოს რკინიგზის” ცნობით, შემთხვევის შედეგად საფრთხე არ შექმნია მაგისტრალზე მოძრაობის უსაფრთხოებასა და მოძრაობის განრიგს:
“სახანძრო და სამაშველო სამსახურებთან ერთად ოპერატიულად გატარდა შესაბამისი სამუშაოები, რის შედეგადაც ლოკალიზებული და თავიდან აცილებული იქნა ეკოლოგიური თუ სხვა ტიპის საფრთხეები”.