“კეთილი იყოს თქვენი მობრძანება ჯოჯოხეთში” – საპროტესტო აქცია G20 სამიტის ჩაშაშლელად [ფოტორეპორტაჟი]

ჰამბურგში G20  სამიტი საპროტესტო აქციის ფონზე მიმდინარეობს. აქციის მონაწილეებსა და პოლიციას შორის დაპირისპირებაც მოხდა. როგორც BBC წერს, დემონსტრანტებთან შეტაკებებისას დაშავდა 76 პოლიციელი, ასევე დაშავებული არიან აქციის მონაწილეებიც.

CNN-ის ცნობით, აქციის მონაწილეები არიან ანტიკაპიტალისტები, რომლებსაც სამიტის ჩაშლა სურთ.

“კეთილი იყოს თქვენი მობრძანება ჯოჯოხეთში” – ასე ჰქვია აქციას, რომელშიც მონაწილეობა, BBC-ის ინფორმაციით, 12 000-მა ადამიანმა მიიღო.

გამოცემის ცნობით, პოლიციამ აქციის ნიღბიანი მონაწილეების წინააღმდეგ წყლის ჭავლი და წიწაკის სპრეი გამოიყენა. აქციის მონაწილეებმა კი პოლიციას ქვები, ბოთლები და მოლოტოვის კოქტეილები დაუშინეს. დემონსტრანტებმა ააგეს ბარიკადები, დააზარალეს ბიზნესები. პოლიციის თქმით, პოლიციის ვერტმფრენის პილოტს ლაზერი მიანათეს, რათა მისთვის თვალი მოეჭრათ.

დიდი ოცეულის სამიტი ჰამბურგში 7-8 ივლისს მიმდინარეობს.

ფოტორეპორტაჟი მომზადებულა ევროპის პრესფოტოსააგენტოს (EPA) ფოტოების მიხედვით.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.