პაატა კიკნაველიძე: შევეცდებით მოსახლეობას საკანონმდებლო გარანტიები შევუქმნათ

“ ბაღდათის რაიონის ამომრჩეველი არის საკმაოდ კრიტიკულად მოაზროვნე და გემოვნებიანი ამომრჩეველი, რომლის ნდობის მოპოვება არ არის იოლი საქმე, თუმცა მიმაჩნია, რომ ჩვენ, კოალიცია, მასში შემავალი პარტიები, შევძლებთ ნდობის მანდატის მიღებას ბაღდათის რაიონის მოსახლეობისაგან. რაც შეეხება პრიორიტეტებს, ჯერჯერობით ჩვენ ვართ კანდიდატები და პრიორიტეტები საპარლამენტო საქმიანობის ვერ გვექნება, ჯერჯერობით ჩვენი პრიორიტეტი არის საარჩევნო კამპანიის წარმოება. ხოლო რაც შეეხება ზოგად პრიორიტეტს, ეს არის ის, რაც ჩვეულებრივ დამახასიათებელი უნდა იყოს პარლამენტის წევრისთვის, მიუხედავად იმისა, ის მაჟორიტარული თუ პროპორციული საარჩევნო სისტემით არის არჩეული, ეს არის კანონშემოქმედებითი საქმიანობა. ძირითადი და მნიშვნელოვანი, ჩემი აზრით, ამ მიმართულებით არის იმ ტიპის კანონმდებლობის შემუშავება, რომელიც უზრუნველყოფს წინა წლებში საკუთრების თუ ადამიანის სხვა ფუნდამენტური უფლებებისა და თავისუფლებების აღდგენას თითოეული მოქალაქისთვის და ასევე იმ საკანონმდებლო გარანტიების შექმნას, რომ მსგავსი რამ სხვა დროს აღარ განმეორდეს”, – განაცხადა პაატა კიკნაველიძემ.