23 აპრილს სოხუმში ქარიშხლის გამო 20-ზე მეტი ხე წაიქცა.
ქარიშხლის შედეგად წაქცეულმა ხეებმა სოხუმის გზებზე სატრანსპორტო მოძრაობაც შეზღუდა და ელექტროგადამცემი ხაზები დააზიანა. შედეგად, მოსახლეობის ნაწილი ელექტროენერგიისა და წყლის გარეშე დარჩა.
აფხაზური მედიის ცნობით, ქარიშხალმა გაგრაც დააზარალა – სახლების ნაწილს სახურავები ახადა.
ქარიშხლის შედეგებზე ვიდეომასალას აფხაზური გამოცემა apsnylife ავრცელებს.