თბილისში სიგარეტის ნამწვით ქუჩის დანაგვიანებისთვის 20 აპრილს 13 ადამიანი დააჯარიმეს
“თბილსერვის ჯგუფის” განცხადებით, გუშინ, 20 აპრილს, ინსპექტირების დაწყებიდან პირველივე დღეს, თბილისის ქუჩების დანაგვიანებისთვის 14 მოქალაქე დააჯარიმეს.
თბილსერვის ჯგუფის განცხადებით, 13 ადამიანი სიგარეტის ნამწვის გადაგდებისთვის 80 ლარით დააჯარიმეს, ხოლო ერთი პირი- სამშენებლო ნაგვის გადაყრისთვის.
კომპანიის ცნობით, ინსპექტირება განხორციელდა თბილისის ცენტრალურ ნაწილში; აღმაშენებლის გამზირზე, ვაკის პარკისა და თავისუფლების მოედნის მიმდებარე ტერიტორიაზე.
20 აპრილიდან “თბილსერვის ჯგუფის” მონიტორებმა ქუჩაში ნაგვის დაყრისთვის დაჯარიმება დაიწყეს. ქუჩების დანაგვიანებისთვის განკუთვნილია ჯარიმები 80-დან 1000 ლარამდე:
- 2 კგ-მდე მუნიციპალური ნარჩენით გარემოს დანაგვიანება – 80 ლარით
- იგივე ქმედება ჩადენილი შენობა-ნაგებობიდან – 100 ლარით.
- 2 კგ-ზე მეტი მუნიციპალური ნარჩენით გარემოს დანაგვიანება – 150 ლარით
- იგივე ქმედება ჩადენილი შენობა-ნაგებობიდან – 500 ლარით.
- ძაღლის ან სხვა შინაური ცხოველის მცირე ოდენობის ფეკალური მასით ტერიტორიის დაბინძურება- 50 ლარით. (პასუხისმგებლობა არ დაეკისრება მეპატრონეს, თუ იგი დაუყონებლივ და სრულად მოასუფთავებს დაბინძურებულ ტერიტორიას).
- ხუთ ერთეულამდე საბურავით გარემოს დანაგვიანება (ველოსიპედის საბურავის გარდა) – 150 ლარით.
- ხუთი ერთეული ან ხუთ ერთეულზე მეტი საბურავით გარემოს დანაგვიანება (ველოსიპედის საბურავის გარდა) – 500 ლარით.
- სახიფათო ნარჩენებით გარემოს დანაგვიანება ან სხვა ქმედება, ჩადენილი ნარჩენების შეგროვების კონტეინერის გარეთ: ფიზიკური პირი -400 ლარით. იურიდიული პირი -1000 ლარით დაჯარიმდება.
ამავე თემაზე:
20 აპრილი – დღეიდან 50-დან 1000 ლარამდე დაჯარიმდებით, თუ თბილისის ქუჩებში ნაგავს დაყრით
პრემიერი: დანაგვიანების პრობლემა სანქციებით უნდა მოვაგვაროთ
“ბიზნესის და მძღოლების ინტერესებზე მორგებული” კანონპროექტი ქვეითებს ისევ საფრთხეში ტოვებს
“იარე ფეხით”: კანონში ცვლილებები ქვეითების ყველაზე დიდ პრობლემას გვერდს უვლის
მყინვარწვერის ტერიტორიიდან 9 ტონა ნაგავი გაიტანეს
პროტესტი ცხოველების ფორმის ნაგვის ურნების გამო, რაშიც თბილისის მერიამ 60 ათასამდე ლარი გადაიხადა