გამგებელი ადმინისტრაციული შენობის წინ შეკრებილ მოსახლეობას შეხვდა, მათი მოთხოვნები მოისმინა და განაცხადა, რომ ამ მოთხოვნის შესრულებას არ აპირებდა.
„არ ვაპირებ თანამდებობიდან წავიდე ამ გზით,“ – განაცხადა ვაჟა ბოლქვაძემ.
აქციაზე იმყოფებოდნენ კოალიცია „ქართული ოცნების“ აქტივისტებიც, თუმცა, მათივე განცხადებით, აქციის ორგანიზებაში წვლილი არ მიუძღვით.
აქციის მონაწილეებმა გამგებლის საკუთარ კანდიდატად ჯამბულ შარაბიძე დაასახელეს. ამ დროისათვის აქცია ქედაში შეწყვეტილია.