შსს მობილურიდან ინფორმაციის ამოსაღებ მოწყობილობებს ყიდულობს
შინაგან საქმეთა სამინისტრომ მობილური ტელეფონიდან ინფორმაციის ამოსაღები მოწყობილობების შესაძენად ტენდერი გამოაცხადა.
ტენდერის პირობების თანახმად, უნდა შეიძინონ მოწყობილობების 2 კომპლექტი, რომლისთვის გამოყოფილი თანხაა 14 760 ლარი. წინადადებების მიღება 20 აპრილიდან დაიწყება და 25 აპრილს დასრულდება.
მოთხოვნების ნაწილი:
[checklist]
მოწყობილობა განკუთვნილი უნდა იყოს სხვადასხვა მწარმოებლის მობილური ტელეფონებიდან აპარატულ დონეზე ინფორმაციის ამოღებისათვის;
მოწყობილობას უნდა გააჩნდეს არანაკლებ ორბირთვიანი 200-მეგაჰერციანი პროცესორი;
ინფორმაციის გადაცემის სიჩქარე მოწყობილობასა და მობილურ ტელეფონებს შორის – არანაკლებ 40 მეგაბიტი წამში;
კომპლექტაციაში უნდა შედიოდეს სამუშაო დაფა, რომელიც განკუთვნილი უნდა იყოს საექსპერტო დაწესებულებებისათვის, მობილურ მოწყობილობებზე კვლევების წარმოების უზრუნველსაყოფად;
