თურქეთის სამხრეთ-აღმოსავლეთით მომხდარი მიწისძვრის შედეგად სომხეთის ატომურ ელექტროსადგურთან ბიძგების სიმძლავრე 3-დან 5 მაგნიტუტამდე მერყეობდა. აღნიშნულ ინფორმაციას სომხეთის სააგენტო “news.am” ავრცელებს.
სომხეთის ბირთვული ელექტროსადგური ეპიცენტრიდან დაახლოებით 160 კილომეტრის დაშორებით მდებარეობს.
საგანგებო სიტუაციების მინისტრის განცხადებით, აღნიშნულ ბიძგებს ზიანი არ გამოუწვევია. მისი თქმით, ატომური ელექტროსადგური 9 მაგნიტუდის სიმძლავრის მიწისძვრას გაუძლებს.
ატომური ელექტროსადგურის გენერალურმა დირექტორმა გაგიკ მარკოსიანმა დაადასტურა აღნიშნული ფაქტი და აღნიშნა, რომ 11 სექტემბრის შემდეგ ელექტროსადგურზე გეგმური შემოწმებები მიმდინარეობს.